Manchester United na son Rashford ya ci gaba da taka mata leda, Bellerin zai koma Real Betis.

Daga Walid Hari

Manchester United za ta yi amfani da wani zaɓi na watanni 12 don tsawaita kwantiragin ɗan wasan gaban Ingila Marcus Rashford, wanda zai ƙare a bazara mai zuwa idan suka kasa cimma matsaya kan sabon kwantiragi da ɗan wasan mai shekara 24 ( Daily Star on Sunday)

RelatedPosts

Dalilin da yasa Breaker yace Babu wata alaƙar soyayya tsakanin sa da Rukayya

April 1, 2023

Bayan karbar kaddamar faduwa da Gawuna yayi APC ta garzaya kotu

April 1, 2023

Masarautar Kano ta daga darajar wasu Hakimai tare da nada wasu sababbi

March 31, 2023

Har wa yau Manchester United na nazari a kan tsawaita kwantiragin golan Sifaniya David de Gea zuwa shekarar 2024. Kwantiragin ɗan wasan, mai shekara 31, zai ƙare a bazara mai zuwa ( Sunday Telegraph)

Newcastle United ta kasa ɗaukar ɗan wasan Leicester City James Maddison a bazara amma tana shirin miƙa sabon kwantiragi ga dan wasan na Ingila, mai shekara 25, a watan Janairu,m lokacin da ya rage watanni 18 a kwantiraginsa da Foxes ( Football Insider)

Tsohon kocin Tottenham da Paris St-Germain Mauricio Pochetto, yana sha’awar aiki da Aston Villa inda Steven Gerrard ke jagorantar kulob ɗin Midlands a halin yanzu ( Football Insider)