Brighton ta dauki Roberto de Zerbi madadin Graham Potter.
Filin wasannin Aksam tare da Walid Y Hari.
Brighton ta sanar da nada tsohon kociyan Shakhtar Donetsk da Sassuolo, Roberto de Zerbi a madadin Graham Potter.
Mai shekara, 43, bai da wata kungiya da yake jan ragama tun bayan da ya bar Shakhtar a watan Yuli, saboda yakin da ake yi a Ukraine.
Tuni dai De Zerbi ya saka hannu kan yarjejeniyar kaka hudu da kungiyar da ke taka leda a Amex, zai fara aikin da zarar ya samu takardar izinin aiki a Burtaniya.
Shi ne kan gaba daga jerin wadanda suka yi zawarcin gurbin Graham Potter, wanda ya maye mukamin Thomas Tuchel a Chelsea a watan nan.
Tsohon dan kwallon Napoli, De Zerbi, wanda ya taka rawar gani a kaka uku uku a Sassuolo, zai je Brihjton tare da tawagar masu taimaka masa aiki.
Sai dai dukkansu na jiran samun takardar izinin aiiki a Burtaniya.
Brighton wadda ba ta buga gasar Premier a karshen makon nan da Crystal Palace ba, tana ta hudu a teburin babbar gasar tamaula ta Ingila da maki a wasa 13.
