Lionel Messi, ya shirya barin Paris St-Germain a bazara, kasancewar ba zai yarda da wani tayi na sabunta kwantiraginsa a kungiyar ta Faransa ba. (Beteve, via Star)
Har yanzu Harry Kane, ne na farko da Bayern Munich ke son saye inda zakarun na Jamus za su sake jarraba sa’arsu ko Tottenham za ta yarda ta rabu da ɗan wasan na Ingila. (Kicker, via Sun)
A shirye Newcastle United take ta sake taya ɗan wasan tsakiya na Leicester City James Maddison, ɗan Ingila a karo na uku bayan da kungiyar ta yi watsi da tayin fam miliyan 40 da fam miliyan 45. (Times – subscription required)
Ya kamata matashin dan wasan tsakiya na Ingila Jude Bellingham, mai shekara 19, ya je Manchester United idan ya bar Borussia Dortmund, a shawarar tsohon mai tsaron raga a Old Trafford Ben Foster. (Metro)
Liverpool, wadda ita ma aka ce tana zawarcin Bellingham,ta fara neman madadin dan wasan inda ta fara mayar da hankali kan matashin dan wasan Benfica Enzo Fernandez dan Argentine mai shekara 21. (Fichajes, via Teamtalk)
Chelsea ba za ta rage farashin da ta sanya wa dan wasanta na gaba na gefe ba Christian Pulisic Ba’amurke fam miliyan 31, wanda Juventus ke nuna sha’awarsa. (Calciomercato, via Express
