ISLAMABAD (AP) — Jami’an diflomasiyya sun gudanar da tattaunawa a bayan fage a ranar Talata domin shirya wani sabon zagayen tattaunawa tsakanin Amurka da Iran, bayan da Washington ta kafa takunkumin toshe tashoshin jiragen ruwa na Iran, yayin da Tehran ta yi barazanar mayar da martani ta hanyar kai hare-hare kan wurare daban-daban a yankin da ya dade yana fama da rikici.
Shugaban Amurka, Donald Trump, ya bayyana cewa za a iya gudanar da zagaye na biyu na tattaunawar “cikin kwanaki biyu masu zuwa,” inda ya shaida wa jaridar New York Post cewa ana iya sake yin ganawar a birnin Islamabad, hedikwatar ƙasar Pakistan.
Babban Sakatare Janar na United Nations, António Guterres, ya amince da wannan ra’ayi, yana mai cewa akwai yiwuwar a sake farfado da tattaunawar nan ba da jimawa ba. Ya danganta hakan da ganawar da ya yi da mataimakin Firaministan Pakistan, Ishaq Dar.
A gefe guda kuma, a Washington, tattaunawa kai tsaye ta farko cikin shekaru da dama tsakanin jakadun Isra’ila da Lebanon a Amurka ta kammala cikin nasara, a cewar Ma’aikatar Harkokin Wajen Amurka
