Wata tanka da ke makare da man fetur ta fashe inda ta kama da wuta da safiyar Alhamis din nan a kan tagwayen hanyar Lagos zuwa Ibadan.
Fashewar wadda ta auku a garin Araromi kamar yadda rahotanni suka ruwaito, ta haddasa cunkoson ababan hawa a titin.
Wasu masu motoci da hadarin ya faru a gabansu sun ranta a na-kare domin tsira daga wutar da ta tashi ganga-ganga.
Hukumar kiyaye hadura ta kasar, reshen jihar Ogun ta ce, kamar yadda rahotanni suka bayyana tana kokarin shawo kan la marin.
