Gwamnatin Tarayya ta yi gargaɗin cewa wasu yankuna a faɗin jihohi 10 na iya fuskantar ruwan sama mai ƙarfi wanda ka iya haifar da ambaliya tsakanin ranar 8 ga Afrilu zuwa 12 ga Afrilu, 2026.
An fitar da wannan gargaɗi ne ta hannun Cibiyar Gargaɗin Ambaliya ta Ƙasa da ke ƙarƙashin Ma’aikatar Muhalli ta Tarayya, a cikin wata sanarwar hasashen ambaliya mai ɗauke da kwanan wata 8 ga Afrilu, 2026, wadda Daraktan Sashen Kula da Zaizayar Ƙasa, da Ambaliya da kula da Yankunan Gabar Teku, Usman Bokani ya sanya wa hannu.
Sanarwar ta ce:
“Wadannan yankuna da kewaye da su na iya fuskantar ruwan sama mai yawa wanda ka iya haifar da ambaliya a cikin lokacin hasashen daga ranar 8 ga Afrilu zuwa 12 ga Afrilu, 2026.”
A cewar Ma’aikatar Muhalli ta Tarayya, al’ummomi a jihohin Ebonyi State, Anambra State, Ogun State, Taraba State, Cross River State, Benue State, Imo State, Delta State, Rivers State da Abia State na daga cikin wuraren da ake sa ran za su fuskanci ruwan sama mai yawa wanda ka iya haifar da ambaliya a lokacin da aka bayyana.
Ma’aikatar ta ƙara da cewa a jihar Ebonyi State, yankunan Afikpo da Nkalagu na iya fuskantar wannan barazana, yayin da a jihar Anambra State aka lissafa Atani, Iyowa Odekpe, Odekpe da kuma Onitsha a matsayin wuraren da za su iya fuskantar ruwan sama mai ƙarfi.
