Rahotanni da ke yawo a kafafen sada zumunta sun nuna cewa ana zargin fara manyan ayyukan soji a birnin Caracas, inda shaidu suka ce sun ga jiragen sama masu saukar ungulu da dama (helicopters) suna shawagi a saman babban birnin, tare da jin karar fashe-fashe a sassa daban-daban na birnin.
A cewar wadannan rahotanni, an ce jiragen CH-47 Chinook na sojin Amurka ne aka gani suna aiki a saman Caracas.
Wasu rahotannin kuma na zargin cewa jiragen na iya kasancewa karkashin rundunar 160th Special Operations Aviation Regiment, wato “Night Stalkers”, sai dai ba a samu tabbaci mai zaman kansa kan hakan ba.
Haka kuma, akwai ikirarin cewa sansanin sojin sama na Generalissimo Francisco de Miranda, wanda ke zama cibiyar jiragen sojin ƙasa, na iya fuskantar hari. A wani bangare kuma, shaidu sun ce sun ji aƙalla fashe-fashe goma sha biyu (12) a wurare daban-daban na birnin.
Muhimmin bayani:
Sojin Amurka da Ma’aikatar Tsaron Amurka (Pentagon) ba su tabbatar da kai hare-hare ko gudanar da wani aikin soja ba.
Gwamnatin Venezuela ma ba ta fitar da wata sanarwa a hukumance ba a lokacin wallafa wannan rahoto.
Lura: Wadannan bayanai har yanzu ba a tabbatar da su ba, kuma ana jiran karin bayani daga hukumomin da abin ya shafa.
